ABŞ

Tramp HƏMAS-ı HƏDƏLƏDİ - “Əgər mən istəsəm...”

3 Noyabr 2025 08:12

"Fələstinin HƏMAS hərəkatı lazım gələrsə məhv ediləcək".

Publika.az xəbər verir ki, bunu ABŞ Prezidenti Donald Tramp CBS telekanalına müsahibəsində bildirib.

"Əgər mən onların tərksilah edilməsini istəsəm, onları çox tez tərksilah etməyə məcbur edəcəm. Onlar məhv ediləcəklər", - Amerika lideri deyib.

Onun sözlərinə görə, hərəkat bundan xəbərdardır.

Ağ Ev rəhbəri həmçinin xəbərdarlıq edib ki, “HƏMAS lazım olduğu kimi davranmasa, dərhal məhv edilə bilər”.

Oktyabrın 16-da İsrailin Baş naziri Binyamin Netanyahu İsrailin döyüşlərini bitirmədiyini və HƏMAS-ı məhv etməyi planlaşdırdığını bəyan edib. O, qələbənin israillilərin gələcək illər üçün həyatını formalaşdıracağını vurğulayıb.

Oktyabrın 13-də Tramp Qəzza zolağında münaqişənin bitdiyini elan edib. Lakin daha sonra o, HƏMAS-ın tərksilah etməkdən imtina edəcəyi təqdirdə İsrail Müdafiə Qüvvələrinin (İDF) Fələstin anklavında əməliyyatları bərpa edəcəyi ilə hədələyib .

Hüseyn İbadlı