Dünya
Ankara-Berlin xəttində növbəti böhran: Almaniya İncirlikdən çıxır
Almaniya kansleri Angela Merkel alman millət vəkillərinin İncirlik hərbi hava bazasına buraxılmamasına reaksiya verib.
Publika.az Türkiyə mediasına istinadən xəbər verir ki, Merkel Fransa prezidenti Emmanuel Makronla görüşdən sonra verdiyi açıqlamasında alman əsgərlərinin İncirlikdən çıxarılacağını bildirib.
“Almaniya hərbi birlikləri üçün alternativlərimizi qiymətləndirəcəyik. İordaniya bunlardan biridir”, - Merkel deyib.
Qeyd edək ki, Türkiyə alman millət vəkillərinə İncirlik hərbi bazasında xidmət edən əsgərləri ziyarət etməsinə icazə verməyib. Bu barədə DPA xəbər agentliyi Almaniya parlamentinin Federal Müdafiə Komissiyasının üzvü olan millət vəkillərinə istinadən məlumat yayıb.
Türkiyənin alman millət vəkillərini hansı səbəbdən bazaya buraxmaması bəlli deyil.
Bu isə ilk analoji hadisə deyil. Almaniya bundestaqının 2016-cı il iyunun 2-də “erməni soyqırımı” haqqında qanun layihəsini qəbul etməsindən sonra Ankara alman millət vəkillərinin İncirliyi ziyarət etməsinə icazə verməmişdi.
Bundan başqa, İncirlikdən uçuşlar həyata keçirən Almaniya təyyarələrinin Suriya və Şimali İraqda İŞİD-ə qarşı apardığı kəşfiyyat fəaliyyəti zamanı topladığı məlumatları Türkiyə ilə paylaşmaması iki ölkə arasında böhrana səbəb olmuşdu.
İncirlik bazasında Almaniyanın təxminən 260 əsgəri var.
Ömər Dağlı
-
Sosial14:16
Elmira Süleymanova vəfat etdi - FOTO
-
Cənubi Qafqaz13:40
İrəvandan İlham Əliyevin təklifinə cavab gəldi: Hazırıq!
-
Sosial13:03
Prokurorluqdan Nəsib Quliyevin intihar faktı ilə bağlı çağırış: bu məlumatlar...
-
Sosial12:25
Baş nazir təyin olunan Ceyhun Cəlilov kimdir? - Dosye
-
Əmlak11:55
Qərar verildi: Ev almaq istəyənlərə 55 min manat ödəniləcək
-
İdman11:25
Ulduzu sönən futbolçunun parlaq gözəli - FOTOLAR
-
Nida Xəbər 10:47
Ermənilər Azərbaycanın nəzarətinə keçəcək körpünü tutdular
-
ABŞ10:17
Arxeoloqlar ABŞ-ın ilk prezidentinin içki anbarını tapdılar: Görün nə içirmiş - FOTO