NATO-nun Baş katibi Ankaraya gəldi
Bizi izləyin
Aptekonline

Dünya

NATO-nun Baş katibi Ankaraya gəldi

NATO-nun Baş katibi Ankaraya gəldi

NATO-nun Baş katibi Mark Rutte Alyansın sabah başlayacaq sammiti çərçivəsində Ankaraya gəlib.

Publika.az xəbər verir ki, bu barədə Türkiyə mediası məlumat yayıb.

Bildirilib ki, rəsmi qarşılanma mərasimindən sonra Ruttenin Türkiyə prezidenti Rəcəb Tayyib Ərdoğanla görüşəcəyi gözlənilir.

Brüsseldən yola düşməzdən əvvəl açıqlama yayan Rutte bildirib ki, iki gün davam edəcək zirvə əsasən qəbul olunan qərarların icrasına həsr olunacaq. Onun sözlərinə görə, üzv ölkələrin müdafiə xərclərinin ÜDM-in 5 faizi səviyyəsinə çatdırılması və bu istiqamətdə etibarlı maliyyə planlarının hazırlanması müzakirə ediləcək.

Qeyd edək ki, 7-8 iyul tarixlərində Türkiyənin ev sahibliyi ilə keçiriləcək NATO Ankara sammitində Alyansın 32 üzv ölkəsinin liderləri, Asiya-Sakit okean regionundan tərəfdaş ölkələrin nümayəndələri və Ukrayna prezidenti Vladimir Zelenskinin iştirak etməsi gözlənilir.

Müəllif: Roza

Oxumağa davam et
Reklam
Reklam

Gündəm

Aptekonline