İdman

Ukrayna millisinin ulduzu: Bu, bizi silkələdi

14 Oktyabr 2025 10:56

Ukrayna millisinin hücumçusu Artyom Dovbik DÇ-2026-nın seçmə mərhələsi çərçivəsində keçirilən Azərbaycanla oyunu (2:1) şərh edib.

Publika.az xəbər verir ki, "Roma"nın futbolçu yığmamızla matçın asan keçmədiyini və komandamızın görüşə yaxşı hazırlaşdığını bildirib:

"Millilərlə oynayanda asan rəqib olmur. Hamı motivasiyalı olur, hamı maksimum dərəcədə çalışır. Bəli, fasiləyə az qalmış qol buraxdıq, bu da bizi bir qədər silkələdi, amma yaxşı ki, hər şey bizim xeyrimizə başa çatdı.

Əsas olan 3 xaldır. Biz oyuna qollar vurmaq, dominant futbol oynamaq, rəqib müdafiəçilərinə təzyiq göstərmək, oyunu sürətləndirmək və onların yorulmasından istifadə edərək qol imkanları yaratmaq məqsədilə çıxmışdıq".

Heybət