Magazin1

Şəmistan Əlizamanlının oğlunun toyu oldu - FOTO

10 Oktyabr 2022 12:16

Azərbaycanın tanınmış hərbi diktoru, hərbi vətənpərvərlik mahnılarının məşhur ifaçısı, "Vətənpərvərliyin Təbliğinə Dəstək" İctimai Birliyinin sədri Şəmistan Əlizamanlının oğlunun toyu olub.

Publika.az xəbər verir ki, bu barədə Azərbaycanda Minadan Zərərçəkənlərin Assosiasiyası İctimai Birliyinin sədri, Qarabağ qazisi Rey Kərimoğlu məlumat verib. Toydan fotolar paylaşan Rey Kərimoğlu bəy və gəlinə xoşbəxtlik arzulayıb.

"Dəyərli sənətçimiz Şəmistan Əlizamanlının oğlu Tural bəyin toyunda olduq! Allah xoşbəxt eləsin! Yarıyanlardan olsunlar! Şəmistan bəyə və qız atası dəyərli Mirzə bəyə gözaydınlığı verirəm! Mübarək olsun!" , - R.Kərimoğlu qeyd edib.

Toyda tanınmışlardan Xalq şairi Ramiz Rövşən, "Xalq qəzeti"nin baş redaktoru Əflatun Amaşov və başqaları iştirak edib.