Görün onlar kimin qardaşı qızlarıdır

Şahzadə Diananın qardaşı qızları Amelia və Eliza Spenser "Tatler" jurnalının üz qabığı üçün seçilmiş libaslar geyinərək kamera qarşısına keçiblər.

Publika.az xəbər verir ki, bu barədə nəşrin rəsmi saytında məlumat verilib.

Amelia və Eliza Spencer "Balenciaga", "Oscar de la Renta", "Coperni", "Schiaparelli" və digər markalardan qara gecə paltarları, əfsanəvi zərgərlik brendlərinin ("Bvlgari", "Chaumet", "Moussaieff", "David Morris") zinət əşyaları ilə poza veriblər.

Onlarla birlikdə poza verən 3-cü qadın isə bacıları Ledi Kitti Spencerdir (fotoda mərkəzdə).

Amelia və Eliza şahzadə Diananın kiçik qardaşı Çarlz Spenserin Ketrin Viktoriya Lokvudla ilk evliliyindən olan qızlarıdır. Onların Kitti adlı bacısı və Lui adlı qardaşı, həmçinin atalarının Karolin Viktoriya Freyd və Karen Qordonla ikinci və üçüncü evliliklərindən doğulan ögey qardaşı Edmund və bacıları Lara və Şarlotta var .

2023-cü ilin mart ayında Amelia Spenser daşınmaz əmlak agenti Greg Mallett ilə evlənib. Nikah qeydiyyatı Cənubi Afrika Respublikasının paytaxtı Keyptaun yaxınlığındakı dağın zirvəsində baş tutub.

Hüseyn İbadlı