İmamoğlunun səlahiyyətlərini o icra edəcək - FOTO

İstanbul Böyükşəhər Bələdiyyəsi sədri vəzifəsinə gətirilən şəxsin adı məlum olub.

Publika.az xəbər verir ki, Əkrəm İmamoğlu tərəfindən ötən gün əl yazısıyla hazırlanan "vekalət" yazısı Xüsusi Qələm İdarəsinə verilib. Buna görə də, İBB sədri vəzifəsinə CHP-li məclis üzvü Nuri Aslan gətirilib.

"İstanbul Respublika Baş Prokurorluğu tərəfindən aparılan araşdırma ilə əlaqədar İstanbul Böyükşəhər Bələdiyyəsinin fəaliyyətində hər hansı bir fasilənin qarşısının alınması üçün İstanbul Böyükşəhər Bələdiyyəsi sədrinin səlahiyyətlərini məclis üzvü cənab Nuri Aslan icra edəcək", - İmamoğlu yazıb.

Xatırladaq ki, İstanbul Respublika Baş Prokurorluğu tərəfindən İstanbul Böyükşəhər Bələdiyyəsi (İBB) sədri Əkrəm İmamoğlu və 99 şübhəli barəsində “cinayət təşkilatının lideri olmaq”, “cinayətkar təşkilata üzv olmaq”, “qəsb”, “rüşvətxorluq”, “ağır fırıldaqçılıq”, “qanunsuz olaraq şəxsi məlumatların əldə edilməsi” və “tender” maddələri ilə açılan cinayət işi üzrə istintaq davam edir.

Hüseyn İbadlı