Müstəqil Azərbaycanın ilk xarici işlər naziri: “Sülh müqaviləsinə onlar mane olurlar”

“İndi hər kəsin arzusu Azərbaycanla Ermənistan arasında böyük sülh müqaviləsinin tezliklə imzalanmasıdır. Əgər bu baş versə, bölgəyə sülh gələcək. Eyni zamanda, bütün region dövlətləri bu sülhdən xeyir götürər. Bu ilin sonuna kimi sülh müqaviləsinin imzalanmasını arzulayıram. Hər halda biz buna hazırıq. Söhbət həm dövlətimizin, həm də xalqımızın Ermənistanla sülhə hazır olmasından gedir”.

Bunu Publika.az-a açıqlamasında müstəqil Azərbaycanın ilk xarici işlər naziri Hüseynağa Sadıqov deyib.

Sabiq xarici işlər naziri bildirib ki, dövlətimiz və xalqımız bundan ötrü hər şeyi etməyə hazırdır:

“Təəssüflər olsun ki, sülh müqaviləsinin imzlanması təkcə bizim istəyimizdən asılı deyil. Bu sənədin imzalanmasını istəməyən başqa qüvvələr də var. Həmin qüvvələr İrəvanla Bakı arasında sülhün bərqərar olmasını istəmir. Yenə deyirəm, tez bir zamanda bölgəyə sülh gəlməsini arzulayırıq. Sülh nə qədər tez sülh əldə olunsa, bütün xalqlar ondan xeyir götürər. Bu sülh müqaviləsindən hamıya yalnız və yalnız xeyir gələcək. Bu sülhün heç kimə zərəri olmayacaq. O cümlədən, Ermənistan üçün də sülh müqaviləsi vacibdir və bu, onlar üçün də xeyir gətirəcək bir addımdır. Eyni zamanda, arzu edirəm ki, tezliklə Zəngəzur dəhlizi də açılsın. İnanıram ki, bu dəhlizin açılması reallaşacaq”.