ABŞ tənəzzül etsə, nələr baş verəcək? - Harrisə pis xəbər, Trampa isə...

Amerika iqtisadiyyatı sürətlə itirir - bu, vitse-prezident Kamala Harris üçün çox pis xəbərdir. İqtisadiyyatda tənəzzül və hətta yavaşlama onun “prezidentlik” planlarına son qoya və müvafiq olaraq Donald Trampa kömək edə bilər.

Publika.az xəbər verir ki, bu fikir “The Economist” nəşrində deyilir.

Co Baydenin Ağ Evi ölkənin iqtisadi bumu ilə öyünə bilməz. "Amerikalı seçicilər bu uğursuzluğa görə Kamala Harrisi cəzalandıracaqlarmı?" - deyə "The Economist" sual qoyub.

Nəşr bildirir ki, bir çox investorlar Amerika iqtisadiyyatının tezliklə tənəzzülə gedəcəyindən qorxurlar. Və tutqun proqnozlar üçün çoxlu səbəblər var. Xüsusilə, iyul ayında 2021-ci ildən bəri ən yüksək səviyyəyə çatan və 4,3% təşkil edən işsizlik səviyyəsi ilə bağlı yaxınlarda açıqlanan məlumatlar bu qorxuları artırır. Məqalə müəlliflərinin vurğuladığı kimi, bu məlumatların açıqlanmasından sonra - avqustun 5-də bütün dünyada birjalar çökdü. Ertəsi gün bazarlar bir qədər mövqelərini bərpa etdilər, lakin ümumilikdə bu vəziyyət, təbii ki, heç kimə nikbinlik bəxş etmədi.

Nəşr bildirir ki, yaxın üç ayda iqtisadiyyatın “davranışı” ABŞ Demokratlar Partiyasının nümayəndələrinin noyabr seçkilərində uğur qazanmaq şanslarını müəyyən edəcək.

Eyni zamanda, müəlliflər iddia edirlər ki, açıq bir tənəzzül çox güman ki, Harris üçün ölüm hökmüdür.

"Ancaq iqtisadiyyat yalnız yavaşlasa belə - bu, çox güman ki, ona zərər verə və Donald Trampa kömək edə bilər", - müəlliflər yekunlaşdırır.

Adəm Abbaslı