Moskvadan cavab: 60 ABŞ siyasətçisi “qara siyahı”da – ADLAR
Bizi izləyin

Dünya

Moskvadan cavab: 60 ABŞ siyasətçisi “qara siyahı”da – ADLAR

Rusiya Avropa Birliyinin və ABŞ-ın 200-dən artıq siyasətçi və məmurunu ölkəyə gəlişi qadağan olunmuş şəxslərin “qara siyahı”sına salmağa hazırlaşır.

Publika.az “İzvestiya” qəzetinə istinadən bildirir ki, bu şəxslər XİN-in müvafiq siyahısına salınacaq.

“Bu siyahıdakı şəxslərin sayı Avropa Birliyinin və NATO-nun analoji “qara siyahısı”nda olanların sayı ilə eynidir. Siyahda birinci yeri ABŞ tutur. Bu ölkənin 60-dan yuxarı vətəndaşına ölkəyə gəlmək qadağan ediləcək”, - deyə Rusiya XİN-ə yaxın mənbə qəzetə bildirib.

Rusiyanın “qara siyahısı”nda ABŞ prezidentinin milli təhlükəsizlik məsələləri üzrə köməkçisi Kerolayn Atkinsonun, prezidentin köməkçisi Deniel Pfayferin və Bencamin Rodenin, ABŞ Konqresinin fraksiya lideri Harri Ridin, Nümayəndələr Palatasının spikeri Con Beynerin, Senatın xarici məsələlər üzrə komitəsinin sədri Robert Menendesin, senatorlar Meri Lendryunun və Con Makkeynin adları var.

Məhdudiyyətlər həmçinin 13 kanadalı siyasətçiyə, o cümlədən baş nazirin müşaviri Krisitin Hoqana və digərinə aid edilib.

XİN-dəki mənbə siyahının genişləndiriləcəyini istisna etməyib.

X. SƏFƏROĞLU

Oxumağa davam et
Reklam
Reklam

Gündəm