İnanc

Hər il çarmıxa çəkilən 64 yaşlı kişi danışdı: Ağrı hissi cəmi 5 saniyə davam edir...

19 Aprel 2025 06:46

Filippində 64 yaşlı kişi "Bibliya"dakı hadisələrin canlandırılmasının bir hissəsi olaraq çarmıxa çəkilib.

Publika.az xəbər verir ki, bu barədə "Daily Mail" məlumat yayıb.

Hadisə San Pedro Kutud kəndində baş verib.

Nəşrin məlumatına görə, Ruben Enahe adlı şəxs tədbirdə 36-cı dəfə iştirak edib. Həmin şəxsin sözlərinə görə, o, ilk dəfə 1985-ci ildə tikinti zamanı üçüncü mərtəbədən yıxılıb möcüzə nəticəsində sağ qalanda İsa Məsih rolunu "canlandırıb".

Kişinin fikrincə, indi belə tədbirdə iştirak etmək onu həmin gün xilas etdiyinə görə tanrıya şükür əlamətidir.

Enahe iddia edib ki, o, çarmıxa çəkiləndən sonra yalnız ilk beş saniyədə şiddətli ağrı hiss edir, sonra hisslər kütləşir və ona strukturda qalmaq daha asan olur. Kişi ötən il həkimlərə aparılmazdan əvvəl prosesi 10 dəqiqə davam etdirə bilib.

Bu cür dini tədbirlərin həm yerliləri, həm də əcnəbiləri kəndə cəlb etdiyi bildirilir.

Ləman