Netanyahu ciddi planla MACARISTANA GEDİR - Qəzzalılar bu ölkələrə köçürülə bilərlər

İsrailin baş naziri Benyamin Netanyahu macar həmkarı Viktor Orban ilə Qəzzə sakinlərinin köçürülməsi planını müzakirə etməyi planlaşdırır.

Publika.az xəbər verir ki, bu barədə "Times of Israel" (TOI) qəzeti mənbəyə istinadən məlumat yayıb.

Nəşrin məlumatına görə, plan Netanyahunun Macarıstana gözlənilən səfəri zamanı müzakirə olunacaq. İsrail baş nazirinin gələn həftə ölkəyə səfəri gözlənilir. Eyni zamanda, müəlliflərin qeyd etdiyi kimi, İsrail kabinetinin rəhbəri Orbanın dəstəyini almaq istəyir.

“Netanyahu ABŞ Prezidenti Donald Trampın Qəzza planını dəstəkləmək üçün mümkün qədər çox ölkədən ibarət koalisiya yaratmağa çalışır”, - mənbə bildirib.

Fevral ayında "N12"in yaydığı məlumata görə, ABŞ Prezident Administrasiyası Qəzza sakinlərini Somalinin Puntland və Somaliland ştatlarına, eləcə də Mərakeşə köçürməyi düşünür. Jurnalistlərin fikrincə, ölkələrin Amerikanın dəstəyinə ehtiyacı var. Müəlliflər qeyd edirlər ki, bu, onları Trampın təşəbbüsünü dəstəkləməyə razılıq verməyə inandırmağı asanlaşdıracaq.

Hüseyn İbadlı