ABŞ üç vilayətə HÜCUM ETDİ - Qaynar bölgədə nə baş verir?

ABŞ "Ənsar Allah"a qarşı əməliyyat çərçivəsində Yəmənin üç vilayətinə hücum edib.

Publika.az xəbər verir ki, bu barədə Husilərin “Al Masirah” telekanalı məlumat yayıb.

Zərbələr Hodeyda, Saada və Hacja əyalətlərində qeydə alınıb.

Hodeyda əyalətinin strateji əhəmiyyəti onun beynəlxalq hava limanı və üç mühüm limana ev sahibliyi etməsi və bölgənin həm də uzun sahil zolağına malik olması ilə müəyyən edilir.

Martın 15-də ABŞ Prezidenti Donald Tramp yəmənli husilərə qarşı hərbi əməliyyatların başlanması əmrini verib.

Tramp bildirib ki, hərbi əməliyyat Amerikanın gəmiçilik, hava və dəniz qüvvələrini qorumaq və naviqasiya azadlığını bərpa etmək məqsədi daşıyır.

Xatırladaq ki, yanvarın 23-də Tramp Yəmənin Husilərin Ənsar Allah hərəkatının xarici terror təşkilatı kimi təyin edilməsi prosesinə start verən fərman imzalayıb. Sənədin mətnində husilərin İran İslam İnqilabı Keşikçiləri Korpusu (SEPAH) tərəfindən dəstəkləndiyi bildirilir və "Ənsar Allah" ABŞ vətəndaşlarının təhlükəsizliyini və Yaxın Şərqdə qlobal dəniz ticarətinin sabitliyini təhdid edir.

Hüseyn İbadlı