Dünya
Alimlər xəbərdarlıq etdilər: Bu dağ tamamilə çökə bilər
Almaniya ilə Avstriya sərhədində yerləşən Alp dağlarının bir hissəsində irimiqyaslı qaya uçqunu təhlükəsi yaranıb. Mütəxəssislər Hoçfoqel dağının yamacından 400 min kubmetrə qədər qaya kütləsinin qopa biləcəyini istisna etmirlər. Təhlükənin əsas səbəbi dağda uzun illərdir mövcud olan çatın genişlənməsi və qaya kütlələrinin hərəkətinin sürətlənməsidir.
Publika.az xəbər verir ki, bu barədə “Euronews” məlumat yayıb.
Alimlərin xəbərdarlığı iyun ayında həmin dağda baş vermiş uçqundan sonra daha da ciddiləşib. Həmin vaxt yamacdan təxminən 2 min kubmetr qaya qopub. İndi isə mütəxəssislər dağ zirvəsinin özünün də dağılma təhlükəsi ilə üzləşə biləcəyini bildirirlər.
Hoçfoqeldəki çat hələ XIX əsrdə yaranıb. Ötən müddət ərzində onun ölçüləri əhəmiyyətli dərəcədə böyüyüb. Əvvəllər çatın eni təxminən insanın çiyinlərinin eni qədər olduğu halda, hazırda bir neçə metrə çatır.
Təhlükəli ərazidə tədqiqatlar artıq 12 ildir davam edir. Əvvəlcə alimlər dağa səfərlər zamanı ölçmələr aparırdılar. 2018-ci ildən etibarən isə ərazidə stasionar sensorlar və ölçmə avadanlıqları quraşdırılıb. Dağın səthini araşdırmaq üçün lazer skaneri ilə təchiz edilmiş pilotsuz uçuş aparatından da istifadə olunur.
Bu ilin yazında cihazlar qaya kütlələrinin həftədə 5 millimetrədək yerdəyişməsini qeydə alıb. Müqayisə üçün qeyd edək ki, Alp dağlarında orta hərəkət sürəti ildə təxminən 1,8 millimetr qiymətləndirilir. Göstəricilər arasındakı ciddi fərq alimlərin narahatlığını artırıb və erkən xəbərdarlıq sisteminin məlumatlarına xüsusi diqqət yetirilməsinə səbəb olub.
Hazırda dağda qaya kütlələrinin vəziyyətini izləyən 30-dan çox sensor quraşdırılıb. Bu cihazlar hətta millimetr səviyyəsindəki dəyişiklikləri qeydə alaraq çatın genişlənməsini və zirvənin vəziyyətini izləməyə imkan verir.
Hündürlüyü 2592 metr olan Hoçfoqel Almaniya ilə Avstriyanın Tirol bölgəsinin sərhədində yerləşir. Təhlükə səbəbindən dağın zirvəsinə Avstriya tərəfdən qalxmaq alpinistlər üçün artıq qadağan edilib. Almaniya tərəfdən keçən marşrut isə hələlik açıqdır.
Müəllif: Adəm Abbaslı
-
Sosial11:18Prezidentin qızı və gəlini konsertdə - FOTOLAR
-
Tarix10:06Səhranın 125 min il əvvəlki halı: Nəhəng gölün izləri tapıldı - FOTO
-
Dünya09:35Tramp Cənubi Çin dənizindəki gərginlik haqda: Bununla məşğul olacaqlar
-
Maraq dünyası09:16Milyarderlər ən çox bu bürclərdən çıxır
-
ABŞ07:47“Nvidia” eks-şefdən yenə imtina etdi
-
ABŞ07:30Edamdan sağ çıxan qadın həbsxana rəhbərliyindən görün nə istədi
-
Magazin206:1620 il sonra üzə çıxan dəb incisi: Elza Hosk böyük həsrətə son qoydu - FOTO
-
Yaxın Şərq05:15Müxalifət nümayəndəsi İsrail Knessetinin yeni spikeri oldu



































